वैकल्पिक शिक्षा संचालनको तयारी, स्थानिय तहमा कसरत सुरु

सेयर गर्नुहोस्
4Shares

राजेन्द्र खनाल
भदौ २९ कपिलवस्तु
कोरोना संक्रमणको संटकमा विद्यार्थीहरुको पठन पाठनलाई सुचारु राख्न सरकारले विद्यार्थी सिकाइ सहजीकरण निर्देशिका २०७७ जारी गरेको छ । तर सो निर्देशिका अनुसार ग्रामिण क्षेत्रका सामान्य परिवारका विद्यार्थीले यसको सहज उपयोग गर्न भन्ने चुनौति देखिएको छ ।
कपिलवस्तु जिल्लामा रहेका सामुदायिक तथा संस्थागत विद्यालय सँगै मदरशा र पूर्व प्राथाकि तहका बालवालिकाहरुले घरमै बसेर अनलाईन वा विभिन्न सूचना र संचारका साधनबाट अध्ययनमा सहभागि हुन मुस्किल पर्ने देखिएको छ । कक्षाकोठामै प्रत्यक्ष शिक्षकको सम्पर्कमा रहेर सिक्ने बानी परेका विद्यार्थी र शिक्षक दुबैलाई अबको वैकल्पिक विधि त्यति सहज देखिएको छैन ।
जारी गरिएको निर्देशिका अनुसार अब असोज १ देखि विद्यार्थी भर्ना कार्यक्रम सुरु गरेर स्कूलको कक्षाकोठामा गरिने अध्यापनको विकल्पमा प्रविधिका साधान प्रयोग गरेर पठन पाठनलाई अघि बढाउने सरकारको तयारी छ ।
तर यता कपिलवस्तुको वाणगंगा नगरपालिका स्थित बाल मावि बैरियाका प्रधानाध्यापक अर्जुन शाहीको बिचारमा भने रेडियो कक्षा र टेलिभिजन कक्षा कपिलवस्तुमा सम्भव रहेको छ । साना कक्षाका अक्ष्रारम्भ गर्ने उमेरका वालवालिकाहरुलाई भने टोलटोलमै गएर सिकाउनुको विकल्प नभएको पनि उहाँले बताउनुभयो ।
गत भदौ १९ गते मन्त्रीस्तरीय निर्णयबाट स्वीकृत गरिएको सो निर्देशिकामा प्रविधिको आधारमा विद्यार्थीलाई ५ समूहमा वर्गिकरण गरिएको छ । जसमा सबै किसिमको पहुँचभन्दा बाहिर रहेका विद्यार्थीको समूह, रेडियो, एफएम रेडियोमा पहुँच भएको विद्यार्थीको समूह, टेलिभिजनमा पहुँच भएको विद्यार्थी समूह, कम्प्युटर भएको तर अनलाइन कनेक्टिभिटी नभएका विद्यार्थी समूह र इन्टरनेट तथा सूचना सञ्चार प्रविधिका साधानमा पहुँच भएका बिद्यार्थीको समूह । कपिलवस्तु जिल्लामा यस्ता समुहका विद्यार्थीहरुको अवस्थालाई अध्ययन गर्दा रेडियो र टेलिभिजनको पहूँचमा प्राय वालवालिका पुगेको भए पनि ईन्टरनेट र कम्प्युटर तथा अनलाईन कनेक्टिभिटीमा कमै विद्याथीैको पहुँच रहेको देखिएको छ । यस्तो अवस्थामा मन्त्रालयले तयार गरेको निर्देशिका अनुसार स्थानिय तहसँग समन्वय गरिने बताउनुहुन्छ जिल्ला शिक्षा समन्वय ईकाई किपलवस्तुका प्रमुख थानेश्वर घिमिरे ।
यता कपिलवस्तुको वाणगंगा नगरपालिकाले निर्देशिका आउनुभन्दा तीन महिना अघि नै वैकल्पिक विधिको प्रयोगबाट शिक्षण सिकाई कार्य संचालन गरेको छ । स्थानिय तह भित्रका रेडियोहरुको माध्यमबाट संचालन गरिएको रेडियो कक्षा ४५ दिन संचालन भई हाल स्थागित गरिएको छ भने अर्काे चरणको कक्षा संचलनको तयारी पनि भईरहेको नगरपालिका शिक्षा शाखा प्रमुख बाबुराम भट्टराईले बताउनुभयो । हाल सरकारले विद्यार्थी सिकाइ सहजीकरण निर्देशिका २०७७ जारी गरेको र सोही अनुसार नगरपालिकाका सबै विद्यार्थीहरुलाई पहुँचमा पुग्ने साधन र विधिहरुको प्रयोग गरिने पनि उहाँले बताउनुभयो । यस अघि नै विद्यार्थी पहुँचको विश्लेषण गरिसकिएको र सोही अनुसारको विधि र पद्धतिको माध्यमबाट सिकाई कार्य संचालन गरिएको पनि भट्टराईले बताउनुभयो । कक्षा तीन भन्दा साना कक्षाका वालवालिकाहरुलाई घरमै बसेर सिकाउन सकिने स्वअध्ययन पुस्तिका हातहातमा पु¥याइएको र अब अर्काे चरणका लागि छलफल र तयारी भइैरहेको बारे जानकारी दिनुभयो ।
जिल्लाको सुगम नगरपालिका भएर पनि अझै सबै क्षेत्रमा रेडियोको पनि पूर्ण पहुँच पुग्न नसेका कारण रेडियो कक्षालाई पनि पूर्ण प्रभावकारी बनाउन गाह्रो भएको छ भने अभिभावक र विद्यार्थीैहरुलाई पनि नौलो विधि भएका कारण रेडियो र टेलिभिजन कक्षामा सहभागि भई सिकाई हासिल गर्न सहज नदेखिएका कारण अन्य विधिहरुलाई पनि प्रयोग गर्ने तयारी गरिएको भट्टराईको भनाई छ । अब घर नै विद्यालय र अभिभावक नै वालवालिकाको मुख्य शिक्षक बनी वालवालिकालाई शिक्षा दिनुपर्ने उहाँले बताउनुभएको छ ।
कोरोना संकट कायम रहँदासम्म यही निर्देशिका बमोजिम विद्यालय शिक्षाको कार्यक्रम सञ्चालन गर्ने शिक्षा, विज्ञान तथा प्रविधि मन्त्रालयको तयारी छ । तर यस विषयमा प्रदेश सामाजिक विकास मन्त्रालयले पनि प्रविधिको पहुँच नभएका विद्यार्थीका लागि स्थानिय तहहरु सँगेको समन्वयमा सिकाईलाई प्रभावकारी बनाउने बताएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट कोरोनाका कारण कपिलवस्तुमा एकैदिन दुईको मृत्यु ।। मृतकको संख्या ९ पुग्यो
अगिल्लो पोस्ट २४ घण्टामा कोरोनाका कारण १५ जनाको ज्यान गयो