पहिलो पटक कोरोनाका कारण पत्रकारको ज्यान गयो

सेयर गर्नुहोस्
124Shares

भदौ २३, कपिलवस्तु –
नेपालमा पहिलो पटक कारोना संक्रमणका कारण पत्रकारको ज्यान गएको छ । कपिलवस्तुमा रहेर टेलिभिजन क्षेत्रमा दुई दशक बढी समयदेखि क्रियाशील पत्रकार बनारसी वर्माको सोमबार दिउँसो कोराना संक्रमणका कारण निधन भएको छ । मधुमेह, उच्च रक्तचाप र मिर्गाैला रोगबाट पीडित ६२ वर्षीय वर्मा उपचारका क्रममा पिसिआर रिर्पाेट पोजेटिभ आएको र उहाँको उपचारकै क्रममा मृत्यु भएको स्वास्थ्य कार्यालय कपिपलवस्तुका कोरोना फोकल पर्सन कुमार थापाले बताउनुभयो ।

उनको स्वाब संकलन गरी लुम्बिनी प्रादेशिक अस्पतालमा परीक्षणको लागि पठाइएकोमा मृत्यु भएपछि सोमबार साँझ कोरोना पोजेटिभ रिपोर्ट आएको थापाले जानकारी दिनुभएको हो । नेपाल पत्रकार महासङ्घकका पूर्वउपाध्यक्ष र मधेशी पत्रकार समाजको केन्द्रीय उपाध्यक्षको पदमा पनि रहेका थिए ।

उनका दुई छोराहरूमा यसअघि नै कोरोना संक्रमण पुष्टि भइसकेको थियो। छोराहरुलाई संक्रमण पुष्टि भएपछि उनी स्वाब संकलन गर्न दिएर होम आइसोलेसनमै बसेको अवस्थामा सोमबार अचानक स्वास्थ्यमा समस्या देखिएको थियो। लामो समयदेखि मिर्गौला रोग, मधुमेह र उच्च रक्तचापका बिरामी थिए। नेपालमा कोरोना संक्रमणबाट मृत्यु हुने उनी पहिलो पत्रकार हुन्। भने कपिलवस्तुमा कोरानाका कारण ज्यान गुमाउने पाँचौ व्यक्ति हुन ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट सन्धिखर्कमा गाइभैसीलाई सुत्केरी भत्ता
अगिल्लो पोस्ट अन्तर्राष्ट्रिय साक्षरता दिवस, २४ जिल्ला अझै पूर्ण साक्षर भएनन्