आज मानव बेचविखन विरुद्धको दिवस, मन्त्री बरालद्धार एक सन्देश जारी

सेयर गर्नुहोस्
0Shares

भदौ २० बुटवल ।
प्रदेश ५ का सामाजिक विकास मन्त्री सुदर्शन बरालले मानव बेचबिखन तथा ओसारपसार जस्तो कलंकलाई निर्मुल पार्ने संकल्प गर्न आह्वान गरेका छन् । आज शनिबार परेको चौधौ राष्ट्रिय बेचबिखन तथा ओसारपसार विरुद्धको दिवसका अवसरमा एक सन्देश जारी गर्दै मन्त्री बरालले राज्य संयन्त्रको सुदृढिकरण गर्दै अपराधमा संलग्न जो सुकैलाई कडा दण्ड सजायको प्रभावकारी कार्यान्वय र समाजको आमुल परिवर्तन नै समस्याको दिर्घकालिन समाधान भएको उल्लेख गरेका छन् ।

सन् २००२ मा काठमाडौंमा सम्पन्न सार्कको एघारौँ शिखर सम्मेलनबाट पारित ‘महिला तथा बालबालिका बेचबिखन विरुद्धको सार्क महासन्धि, २००२’ लाई २०६३ भाद्र २० गतेका दिन तत्कालीन व्यवस्थापिका संसदबाट अनुमोदन भएपछि सोही दिनको स्मरणमा २०६४ साल देखि प्रत्येक वर्ष भाद्र २० का दिन यो दिवश मनाईदै आएको छ । ‘मानव बेचबिखन तथा ओसारपसारको अन्त्यः सुसंस्कृत सभ्य समाज र सामाजिक रुपान्तरण अबको गन्तव्य’(नाराको साथ मनाउन लागिएको मानव बेचबिखन तथा ओसारपसार विरुद्धको चौधौ राष्ट्रिय दिवसको अवसरमा मन्त्री बरालले सबैलाई अभियानमा जुट्न प्रेरणा प्रदान हुने विश्वास व्यक्त गरेका छन् । ‘मानव बेचविखन तथा ओसारपसार एक जघन्य अपराध हो । २१ औं शताब्दीको यस सभ्य युगमा समेत यस्ता अपराध हुनु मानवजातिको लागि एक कलंक हो । चौधौ दिवशको यस अवसरमा हामीले यो कलंकलाई निर्मुल पार्ने संकल्प गरौ ।’ शुभकामना सन्देशमा उल्लेख गरेका छन् ।

शोषण गर्ने वा नाफा कमाउने उद्देश्यले प्रलोभनमा पारी, झुक्याई, डरत्रास देखाई कुनै पनि व्यक्तिलाई उसको इच्छाविपरितका कार्य गर्न बाध्य तुल्याइने अवस्था अहिले पनि यदाकदा देखिएको जनाउँदै मन्त्री बरालले यस प्रकृतीका अपराधले मानव वेचविखन विरुद्धको अभियानलाई चुनौती थपेको उल्लेख गरे । ‘अझ यस्तो अपराधबाट महिला तथा बालवालिकाहरु वाम्वार पिडित हुने घटनाहरुले हामीलाई थप संवेदनशील बनाएको छ ।’ शुभकामना सन्देशमा उल्लेख गरिएको छ ।

‘राज्य संयन्त्रको सुदृढिकरण गर्दै यस अपराधमा संलग्न जो सुकैलाई कडा दण्ड सजायको प्रभावकारी कार्यान्वय र समाजको आमुल परिवर्तन नै यो समस्याको दिर्घकालिन समाधान हो भन्नेमा हामी स्पष्ट छौं । मानव बेचविखन तथा ओसारपसारलाई पुर्ण रुपमा नियन्त्रणमा लिने सरकारको अभियानलाई सहयोग गर्नु सवैको दायित्व हो । यो दिवशले हामी सम्पुर्ण सचेत अभियान्ताहरुमा दायित्ववोध गराउनेछ ।’ सन्देशमा उल्लेख छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट लकडाउनको अवेज्ञा गर्ने १०९ जना परे कार्वाहीमा
अगिल्लो पोस्ट नवप्रभात क्लब द्वारा प्रहरी पोस्ट निर्माण