८५ टन युरिया मल कपिलवस्तुमा आयो

सेयर गर्नुहोस्
260Shares

भदौ १९, कपिलवस्तु ।
कपिलवस्तुमा एक हजार ७०० बोरा युरिया मल भित्रिएको छ। बुधवार राति कृष्णनगरमा रहेको साल्ट ट्रेडिङमा ८५ टन युरिया आएकाले वितरण गर्न सुरु गरिएको कार्यालयले जनाएको छ । लकडाउन यता मल अभाव भएको हुँदा तत्काल कृषकको पहुँचमा पुर्याउन वितरण गर्न सुरु गरिएको बताइएको छ। कपिलवस्तुभर कृषि सामग्री संस्थानका दुई डिपो र साल्ट ट्रेडिङका एक शाखाबाट मलको आपूर्ति गरिँदै आएको थियो। मल अभाव हुँदा केही किसानले भारतीय बजार र तीन डिपोबाट लकडाउनअघि वितरण भएको मल प्रयोग गरेका थिए। कपिलवस्तुमा चालु आर्थिक वर्षमा पहिलो पटक मल आपूर्ति भएको हो। लकडाउनमा साल्ट ट्रेडिङको डिपोमा रहेको १४ हजार बोरा मल वितरण भएको थियो। जिल्लाभरी सहकारी संस्थामार्फत मल वितरण गरिँदै आएको साल्ट ट्रेडिङ कृष्णनगरका प्रमुख धिरेन्द्र सिंह श्रेष्ठले बताए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट एक महिनामा स्क्रब टाइफसका ४९ जना बिरामी भेटिए
अगिल्लो पोस्ट बाँकेमा दुई दिन निषेधाज्ञा