राष्ट्रियसभा समितिका सभापतिको चयन प्रक्रिया सुरु

सेयर गर्नुहोस्
94Shares

साउन १९, काठमाडौं संघीय संसद सचिवालयले राष्ट्रियसभाका संसदीय समितिहरूको सभापति चयनको प्रक्रिया सुरु गरेको छ। राष्ट्रियसभाका सचिव राजेन्द्र प्रसाद फुँयालले सूचना जारी गरी राष्ट्रियसभाका चारवटै समितिका सभापति पदका लागि यही साउन २३ गते दिउँसो १ बजे निर्वाचन गर्ने गरी कार्यक्रम तय भएको जानकारी दिएका हुन्। राष्ट्रियसभाको नियमावलीमा उल्लेख भए अनुसार राष्ट्रियसभाका समितिका सभापति र समितिका सदस्यहरुको कार्यावधि २ वर्ष हुने व्यवस्था छ। सोही अनुसार यस अघिका समितिका पदाधिकारीहरूको समयावधि सकिए सँगै नयाँ प्रक्रिया सुरु भएको हो। राष्ट्रियसभामा राष्ट्रिय सरोकार तथा समन्वय समिति, विधायन व्यवस्थापन समिति, दिगो विकास तथा सुशासन समिति र प्रत्यायोजित व्यवस्थापन तथा सरकारी आश्वासन समिति गरी चारवटा संसदीय समितिहरु छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।