वीरगन्जमा एउटै वडाका ४६ सहित थपिए ७४ कोरोना संक्रमित

सेयर गर्नुहोस्
142Shares

ई–साझाकुरा, साउन १९

वीरगन्जमा थप ७४ जना व्यक्तिलाई कोरोना भाइरसको संक्रमण पुष्टि भएको छ। जसमा वीरगन्ज महानगरपालिका-११ श्रीपुरका मात्र ४६ जना संक्रमित रहेको नारायणी अस्थायी कोभिड अस्पताल गण्डकका संयोजक डाक्टर उदयनारायण सिंहले जानकारी दिए। संक्रमितहरूमध्ये एकजना पत्रकार पनि छन्। अर्को एकजना बाराका छन् भने बाँकी सबै वीरगन्ज निवासी हुन्।

संक्रमितहरूमा अधिकांश २० देखि ४० उमेर समुहका छन्। केही संक्रमित भने ६० वर्ष माथिका पनि रहेको डा. सिंहले जनाए।

थपिएका संक्रमितहरूमध्ये लक्षण देखिएकालाई अस्पताल भर्ना गर्ने तयारी गरिएको छ। लक्षणविहीन अवस्थाका संक्रमितलाई भने होम आइसोलेसनमै राखिने छ।
पछिल्लो समय वीरगन्जमा दैनिक संक्रमण दर बढ्दो क्रममा रहेको छ। साउन महिना यता मात्र वीरगन्जमा कोरोनाका कारण ११ जनाको मृत्यु भइसकेको छ।

वीरगन्जमा संक्रमण समुदायमै फैलिएको बताइएको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट तीन फरार प्रतिवादी पक्राउ
अगिल्लो पोस्ट फुटबल टिमको बन्द प्रशिक्षणका लागि ३२ खेलाडी सम्पर्कमा, एक खेलाडी व्यक्तिगत कामले रोकिए