बार्सिलोनाको पक्षमा ला लिगा

सेयर गर्नुहोस्
122Shares

ई–साझाकुरा, भदौ १५

लिओनल मेसीको विषयमा स्पानिस क्लब बार्सिलोनालाई त्यहाँको लिग ला लिगाले समर्थन गरेको छ ।

ला लिगाले मेसी सम्झौता अर्को सिजनको अन्त्यसम्म रहेकोले उनको ७०० मिलियन युरो रिलिज क्लज कायमै रहेको जनाएको छ । ला लिगाका अनुसार यदि मेसीलाई अन्य कुनै क्लबले अनुबन्ध गर्न चाहेमा ७०० मिलियन युरो नै तिर्नुपर्नेछ ।

गत मंगलबार मेसीले क्लबका अध्यक्ष जोसेफ मारिया बार्तामेउलाई पत्र लेख्दै आफूले क्लब छाड्न चाहेको घोषणा गरेपछि यस विषयले अहिले विश्व फुटबल तरंगित बनेको छ ।

मेसी तत्कालै क्लब छाड्न चाहन्छन् भने बार्सिलोना उनलाई बाँकी एक सिजन जसरी पनि क्लबमा राख्ने कसरत गरिरहेको छ ।

उनको रिलिज क्लज ७०० मिलियन युरो रहेकोले अन्य क्लबलाई पनि त्यो रकम तिरेर लैजान कठिन हुनेछ । त्यसैले ला लिगाको पछिल्लो धारणाले गर्दा मेसीलाई अब कठिन पर्न सक्छ ।

मेसीले आफ्नो सम्झौताअनुसार सिजनको अन्त्यमा रिलिज क्लज रद्द गर्न सकिने बुँदा रहेको उल्लेख गर्दै क्लब छाड्न अनुमति माग गरेका छन् । तर बार्सिलोनाले भने त्यो विकल्प जुनमै समाप्त भइसकेको जनाउँदै आएको छ ।

यदि मेसीले यो सिजन बार्सामै खेलेमा अर्को सिजन उनी फ्रि ट्रान्सफरमै अर्को क्लबमा जान सक्नेछन् जसले गर्दा क्लबलाई पनि घाटा हुन सक्नेछ । यस्तै मेसीले बार्सिलोना छाडे ला लिगालाई नै घाटा पर्ने हुँदा ला लिगाले पनि विज्ञप्ती निकाल्दै बार्साको सपोर्ट गरेको देखिन्छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट ९ वर्षीया बालिकालाई बलात्कार, ५४ वर्षीय छिमेकी पक्राउ
अगिल्लो पोस्ट अर्घाखाँचीमा सडकको छेउमा एक व्यक्ति मृत अवस्थामा