पोखरामा अस्पतालको गेटमै कोरोना संक्रमितको मृत्यु

सेयर गर्नुहोस्
353Shares

ई–साझाकुरा, भदौ १२  

पोखरा स्वास्थ्य विज्ञान प्रतिष्ठानको कोभिड–१९ उपचार केन्द्रको आइसोलेसन कक्षको गेटमै शुक्रबार एक कोरोना संक्रमित पुरुषको मृत्यु भएको छ । बिहीबार प्रतिष्ठानमै स्वाब दिएर घर फर्किएका पोखरा महानगरपालिका- १६ का ५२ वर्षीय पुरुषलाई शुक्रबार उपचारका लागि ल्याउँदै गर्दा दिउँसो सवा १२ बजे आइसोलेसन कक्षको गेटमै मृत्यु भएको प्रतिष्ठानका निर्देशक डा. अर्जुन आचार्यले जानकारी दिए ।

‘उहाँमा श्वासप्रस्वासमा धेरै नै समस्या भइसकेको थियो । प्रतिष्ठानको आइसोलेसन ल्याउँदै गर्दा उहाँको गेटमै मृत्यु भयो,’ डा. अचार्यले भने । बिहीबार पोखरा स्वास्थ्य विज्ञान प्रतिष्ठानमा स्वाब दिन पुगेका उनी घरै फर्किएका थिए । पछि उनी र उनको गाडी चालकमा कोरोना संक्रमण पुष्टि भएको थियो । बिरामी अवस्थाका ती व्यक्तिलाई स्वाब संकलन गरेपछि चिकित्सकीय निगरानीमा राख्नुपर्नेमा नराखेकाले मृत्यु भएको आफन्तले बताएका छन् । यसअघि पोखरा–१२ कि ३२ वर्षीया महिलाको बिहीबार कोरोना संक्रमणकै कारण मृत्यु भएको थियो । उनमा दीर्घ रोग थिएन । उनको मृत्युको मुख्य कारण नै कोरोना संक्रमण भएको चिकित्सकले बताएका छन् ।

योसँगै पोखरामा कोरोना संक्रमणबाट मृत्यु हुनेको संख्या ४ पुगेको छ । यसअघि पोखरा महानगरपालिका- १६ का ८७ वर्षका वृद्ध र पोखरा महानगरपालिका- १९ का ६२ वर्षका पुरुषको मृत्यु भएको थियो ।गण्डकी प्रदेशमा भने कोरोना संक्रमणबाट मृत्यु हुनेको संख्या १० पुगेको छ

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट बुटवलको धागो कारखानामा सञ्चालित कोरोना विशेष अस्थायी अस्पतालमा थप एकजना कोरोना संक्रमितको मृत्यु
अगिल्लो पोस्ट काेराेना सङ्क्रमित गर्भवतीबाट जन्मिएको शिशुमा सङ्क्रमण देखिएन