नर्समा कोरोना देखिएपछि मणिग्राम स्थित क्रिमसन अस्पतालको ओपिडी विभाग बन्द

सेयर गर्नुहोस्
16Shares

ई–साझाकुरा, भदौ ११

रुपन्देहीको मणिग्राममा अवस्थित क्रिमशन अस्पतालमा कार्यरत एक स्टाफनर्समा कोरोना संक्रमण पुष्टि भएपछि अस्पतालको ओपिडी विभाग बन्द गरिएको छ । ओपिडी विभागमा कार्यरत स्टाफनर्समा कोरोना पुष्टि भएपछि त्यहाँ कार्यरत कर्मचारी एवं चिकित्सकलाई निगरानीमा राखी परीक्षणको क्रम अगाडि बढाइएको तिलोत्तमा नगरपालिकाको स्वास्थ्य शाखाले जनाएको छ । ती स्टाफनर्स केही दिनदेखि ज्वरोका कारण घरमै बसेकी थिइन् । कोरोना संक्रमणको शंका लागेर बुटवलको नेशनल प्याथल्यावमा परीक्षण गराउँदा पोजेटिभ देखिएको नगरपालिका स्वास्थ्य शाखाका सिनियर अहेव अधिकृत गणेश गौतमले बताए ।

कोरोना संक्रमण पुष्टि भएपछि उनलाई नगरपालिकाले तयार गरेको आइसोलेशनमा पठाइएको छ । उनमा कोरोना संक्रमण पुष्टि भएपछि परिवारका सदस्यहरुलाई होम आइसोलेशनमा बस्न आग्रह गरिएको गौतमले बताए । तिलोत्तमा नगरपालिकामा बुधबार मात्रै १४ जनामा कोरोना संक्रमण पुष्टि भएको थियो । समुदायस्तरमा कोरोनाको संक्रमण फैलिएसँगै नगरपालिकाले गरेको कन्ट्रायाक्ट ट्रेसिङका आधार संकलन गरेको स्वावको रिर्पोट अनुसार तिलोत्तमामा १४ जना नयाँ संक्रमित थपिएको नगरपालिकाका प्रबक्ता सुरेन्द्र श्रीले जानकारी दिए ।नयाँ थपिएका संक्रमितहरुमा तिलोत्तमा वडा नम्बर ३ का ७ जना, वडा नम्बर २ का ६ जना र वडा नम्बर १५ का १ जना छन् । यसमध्येका केही व्यक्ति समुदाय स्तरबाट संकलन गरिएको स्वावबाट संक्रमण पुष्टि भएको प्रवक्ता श्रीले बताए । तिलोत्तमा नगरपालिकाका अनुसार नयाँ संक्रमित थपिएसँगै तिलोत्तमामा ९० जनामा संक्रमण पुष्टि भएको छ भने ३८ जना संक्रमण मुक्त भएर घर फर्केका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट दाउराले हानेर रोल्पामा एक जनाको हत्या
अगिल्लो पोस्ट प्रदेश ५ मा साना उद्योगहरुलाई निःशुल्क दर्ताको व्यवस्था