सन्दीपको उत्कृष्ट बलिङ, सीपीएलमा जमैकाको दोस्रो जित

सेयर गर्नुहोस्
2Shares

ई–साझाकुरा, भदौ १०

नेपाली क्रिकेटर सन्दीप लामिछाने सम्मिलित जमैका तल्लावाजले क्यारेबियन प्रिमियर लिग (सीपीएल)मा गायना अमेजन वारियर्सविरुद्ध बदला लिँदै जित हात पारेको छ ।

बुधबार बिहान सम्पन्न खेलमा स्पीनरहरु मुजिव उर रहेमान र सन्दीप लामिछानेले उत्कृष्ट बलिङ गर्दा जमैकाले गायनालाई ५ विकेटले पराजित गरेको हो । यसअघि जमैका गायनासँँग १४ रनले पराजित भएको थियो । लिगमा दोस्रो जित हात पारेको जमैकाले ४ खेलबाट ४ अंक नै जोडेको छ र चौथो स्थानमा यथावत छ ।

 

५ खेल खेलिसकेको गायनाको पनि २ जितबाट समान ४ अंक रहेपनि रनरेटमा जमैकाभन्दा अघि छ ।

क्वीन्स पार्क ओभरमा भएको खेलमा जमैकाले गायनाले दिएको १०९ रनको लक्षय १८ ओभर खेल्दै ५ विकेट गुमाएर पूरा गरेको हो । जमैकाका लागि ओपनर ग्यारी फिलप्सले २६ र जर्मेन ब्ल्याकउडले २३ रन बनाए ।

यस्तै एनक्रम बोनेरले ३० र आन्द्रे रसेलले २३ रन योगदान गरे । दुवै खेलाडी अविजित रहे । यी दुईले छैटौं विकेटका लागि अर्धशतकीय साझेदारी गरे । गायनाका नविल उक हकले २ विकेट लिए ।

त्यसअघि टस हारेर पहिले ब्याटिङ गरेको गायनाले २० ओभर खेल्दै ७ विकेट गुमाएर १०८ रन मात्र बनाएको थियो । जमैकाका लागि रोस टेलरले सर्वाधिक २३ रन बनाए । नविल उल हक २० रनमा अविजित रहे ।

गायनालाई कम स्कोरमा रोक्न जमैकाका मुजिव उर रहेमानले ४ ओभरमा १ मेडन राख्दै जम्मा ११ रन खर्चेर ३ विकेट लिए ।

यस्तै सन्दीप लामिछानेले ४ ओभरमा १२ रन मात्र खर्चेर १ विकेट लिए । सन्दीपले हालसम्म ४ खेलबाट ४ विकेट लिएका छन्  । उनले यसअघिका ३ खेलमा १–१ विकेट लिएका थिए ।

 

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट दक्ष जनशक्ति अभाव भएपछि प्रदेश ५ का कोरोना विशेष अस्पतालहरूमा भएका आइसीयु र भेन्टिलेटर प्रयोगविहीन
अगिल्लो पोस्ट रुकुमपश्चिममा प्रहरीले गोली हानी दुई जना पक्राउ