भरतपुर अस्पतालले कोरोना संक्रमणका कारण मृत्यु भएकाहरुको शव आफैं व्यवस्थापन गर्न मेडिकल कलेजहरुलाई आग्रह

सेयर गर्नुहोस्
47Shares

ई–साझाकुरा, भदौ ९

भरतपुर अस्पतालले कोरोना संक्रमणका कारण मृत्यु भएकाहरुको शव आफैं व्यवस्थापन गर्न मेडिकल कलेजहरुलाई आग्रह गरेका छन् । कोरोना संक्रमण परीक्षणको रिपोर्ट नआउँदै मृत्यु भएका व्यक्तिको शव मेडिकल कलेजहरुले भरतपुर अस्पतालको शव गृहमा पठाउने गरेका छन् ।

यसले शव व्यवस्थापन र संक्रमणको जोखिम बढेको भन्दै भरतपुर अस्पतालले शवको व्यवस्थापन आफैं गर्न मेडिकल कलेजहरुलाई भनेको हो । अस्पतालका निमित्त मेडिकल सुपरिटेण्डेन्ट डा. जगन्नाथ तिवारीले नेपाली सेनासँगको समन्वयमा शव व्यवस्थापन आफैं गर्न मेडिकल कलेजहरुलाई आग्रह गरेको बताए । कोभिड–१९ को शंकास्पद अवस्थाको शवसमेत आफैँले व्यवस्थापन गर्न भरतपुर अस्पतालले मेडिकल कलेजहरुलाई आग्रह गरेको छ ।

पोस्टमार्टम गर्नुपर्ने शवमात्रै भरतपुर अस्पताल पठाउन चितवनका दुई ठूला मेडिकल कलेजलाई भरतपुर अस्पतालले सूचनामार्फत अनुरोध गरेको छ । पुरानो मेडिकल कलेज भरतपुरमा मृत्यु भएका एक संक्रमितको शव भरतपुर अस्पतालको शव गृहमा राखेपछि अस्पतालले सूचना निकालेर शव व्यवस्थापन आफैंले गर्न भनेको हो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट कांग्रेस नेता गोविन्द रञ्जितको कोरोना संक्रमणका कारण मृत्यु
अगिल्लो पोस्ट कुलमान घिसिङलाई निरन्तरता दिनेबारे मन्त्रालयबाट हालसम्म कुनै निर्णय भएको छैन् ः ऊर्जामन्त्री पुन