दाङमा १९३ जना क्वारेन्टाइनमा

सेयर गर्नुहोस्
45Shares

भदौ ८ दाङ ।
दाङमा कोरोना संक्रमणको आशंकामा अहिलेसम्म १३ हजार १ सय १० जना क्वारेन्टाइनमा राखिएकोमा १२ हजार ९ सय १७ जना घर गएका छन् । उनीहरुमा कोरोना नदिएपछि घर पठाएको स्वास्थ्य कार्यालयले जनाएको छ । अहिले पछिल्लो समय बाहिरी मुलकबाट आएका १ सय ९३ जना भने क्वारेन्टाइनमा रहेको स्वास्थ्य कार्यालयका फोकल पर्सन कमल चन्दले बनाउनुभयो।
उहाँका अनुसार क्वारेन्टाइनमा बसेका र बाहिर ठाउँबाट गरी अहिलेसम्म १३ हजार २ सय ८३ जनाको स्वाब संकलन गरेर परिक्षण गरिएकोमा ७ सय १४ जनामा कोरोना पोजेटिभ देखिएको छ । जिल्लामा अहिले पनि स्वाब संकलनको कार्य निरन्तर भइरहेको उहाँले बताउनुभयो । आइतबार मात्र २ सय ६७ जनाको स्वाब संकलन गरिएको छ ।
घोराही उपमहानगरपालिका, दंगीशरण र बंगलाचुली गाउँपालिकामा भने अहिले क्वारेन्टाइनमा नरहेको बताइएको छ । जिल्लामा ७१४ जनामा कोरोना पोजेटिभ देखिएकोमा ६७६ जना भने निको भएर घर फर्किएका छन् भने अब ३६ जना मात्र आइसोलेसनमा उपचाररत रहेका छन् । एक पुरुष र एक महिला गरी दुई जनाको भने मृत्यु भइरसकेको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।