बाणगंगामा कन्ट्रयाक्ट ट्रेसिङ थालियो

ई–साझाकुरा, भदौ ६

समुदाय स्तरमै कोरोनाको प्रकोप बढदै गएको वाणगंगा नगरपालिकामा आज देखि संक्रमितहरुको कन्ट्रयक्ट ट्रेसिङ सुरु गरिने भएको छ । कपिलवस्तुको बाणगंगा नगरपालिकामा समुदाय स्तरका कोरोना संक्रमितहरुको संख्य ६ रहेको छ । सक्रिय संक्रमित छ जना मध्ये एक जनाको पहिलेनै लिईसकिएको छ भने आज पाँच जना संक्रमितको सम्पर्कमा आएकाहरुको विवरण संकलन गरिने नगरपालिकाका प्रवक्ता विष्णु पौडेलले जानकारी दिनुभयो ।

ब्यापारी, सामाजिक कार्यकर्ता र अन्य समुदायमा घुलमिल भएका ब्यक्तिमा कोरोना देखिएपछि उनीहरुको सम्पर्कमा आएकाहरुको विवरण तयार गरि स्वब परिक्षणको दायरामा ल्याउने नगरपालिकाको तयारी छ । शुक्रबार मात्र वाणगंगामा ५ जनामा कोरोना पुष्टि भएको थियो । नगरपालिका र कपिलवस्तु उद्योग बाणिज्य संघको संयुक्त पहलमा २ सय ८९ जनाको स्बाब संकलन भएकोमध्ये ९० जनाको रिपोर्ट आइसकेको छ । यो सँगै वाणगंगामा अन्य जोखिमयुक्त क्षेत्रका नागरिकको पनि पिसिआर परिक्षणको तयारी पनि गरिएको नगरपालिकाको स्वास्थ्य शाखाले जनाएको छ ।

प्रतिक्रिया