चितवनमा निषेधाज्ञा एक हप्ता लम्बियाे

सेयर गर्नुहोस्
0Shares

ई–साझाकुरा, भदौ ५

चितवनमा गएको साउन ३२ गतेदेखि लगाइएको निषेधाज्ञा भदौ १२ गतेसम्मका लागि थपिएको छ ।

शुक्रबार बसेको जिल्ला सुरक्षा समितिको बैठकले शुक्रबार राति १२ बजेदेखि लागू हुने गरी भदौ १२ गते राति १२ बजेसम्मका लागि निषेधाज्ञा थप गरेको हो ।

सात वटा पालिका रहेको चितवनमा यसअघि माडी नगरपालिका बाहेक ६ वटा पालिकामा निषेधाज्ञा लगाइएकोमा यस पटक सातै पालिकामा निषेधाज्ञा लागू हुने चितवनका सहायक प्रमुख जिल्ला अधिकारी नेत्रप्रसाद शर्माले जानकारी दिनुभएकोे छ ।

सुरक्षा समितिको बैठकले अत्यावश्यक सामान किन्न साँझ र बिहानको समयमा खुला गरिएको बेला सवारी साधनको प्रयोग बढेको, लामो दुरीको यात्रा गर्ने क्रम बढेको र पैदल घुमफिर गर्ने क्रम बढ्दै गएको पाइएकोले त्यसलाई थप कडाइ गर्ने निर्णय गरेको छ ।

चितवनमा कोरोना सङ्क्रमितको सङ्ख्या तीन सय नाघेको छ । चितवनमा कोरोना सङ्क्रमणबाट अहिलेसम्म चार जनाको ज्यान गएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट आइसोलेशनमा तोडफोड, स्वास्थ्य सामग्री चोरी
अगिल्लो पोस्ट निषेधाज्ञाले नछोएको भलवाड, कोरोनाको उच्च जोखिममा