पौने चार लाख भिडिओ डिलिट : टिकटक

सेयर गर्नुहोस्
2Shares

शुक्रबार, भदौ ५, २०७७

काठमाडौं। चिनियाँ मोबाइल एप टिकटकले अमेरिकामा यो वर्ष तीन लाख ८० हजारभन्दा बढी भिडिओ डिलिट गरेको बताएको छ।

भड्काउवादी (हेट स्पिच) नीति उल्लंघन गरेको आरोपमा उक्त परिमाणमा भिडिओ मेटेको टिकटकले बताएको छ। साथै, १३ सयभन्दा बढी गालीगलौजका अकाउन्टमाथि पनि प्रतिबन्ध लगाएको छ।

टिकटकमा चीनको बाइटडान्स कम्पनीको स्वामित्व छ। टिकटकले ब्लगपोस्टमा दिएको जानकारी अनुसार कम्पनीले नस्लभेदी उत्पीडनवाला पोस्टविरुद्ध एक्सन लिएको हो।

संगठित भड्काउवादमाथि कम्पनी शून्य सहनशील रहेको र दास तथा हिंसक त्रासदिजन्य विषयवस्तुलाई पनि ब्लक गरिएको बताइएको छ।

हालै राष्ट्रपति डोनाल्ड ट्रम्पले बाइटडान्सलाई ९० दिनभित्र आफ्ना सबै सम्पत्ति बेच्न आदेश दिएका थिए। राष्ट्रपति ट्रम्पको धम्कीपश्चात् बाइटडान्सले यो कदम उठाएको हो।

टिकटकले कुनै पनि युजरको डाटा चीनलाई नदिएको स्पष्ट पारेको छ। चीनले माग गरे पनि आफूले नदिने उसको भनाइ छ।

चीनसँगको तनावपछि भारतले टिकटक एपमा प्रतिबन्ध लगाइसकेको छ। अमेरिका पनि अब सोही बाटोमा लागेको छ। (एजेन्सी)

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट ज्यान जोगाउन सके फेरि नाचौँला
अगिल्लो पोस्ट अध्यक्ष (एनएमबि बैंक) : बैंकको संख्या घटाउनका लागि जुन नीति आउनुपर्ने थियो, त्यो आएन