वाणगंगामा रेडियो कक्षा भदौ ७ सम्म स्थगित

सेयर गर्नुहोस्
322Shares

भदौ ५ कपिलवस्तु, कपिलवस्तुको वाणगंगामा संचालन भएको रेडियो कक्षा कार्यक्रम तीन दिनका लागि स्थगित भएको छ । हिन्दु नारीहरुको मुख्य पर्व हरितालिका तीजको अवसरमा रेडियो कक्षा पनि तीन दिनका लागि स्थगित गरिएको नगरपालिकाको शिक्षा शाखाले जनाएको छ । आज भोली र पर्सि सम्म आर्थत भदौ ७ गते सम्मका कक्षा स्थतिग गरिएको नगरपालिकाका स्रोत व्यक्ति कविराज भण्डारीले जानकारी दिनुभयो ।
कोरोना भाइरस कहरका कारण बन्दाबन्दिमा पाँच महिनादेखि स्कुल बन्दाबन्दीमा छ । विद्यार्थीको पठनपाठन प्रभावित भएपछि वाणगंगा नगरपालिकाले रेडियो र टेलिभिजनबाट पठनपाठन संचालन गर्दै आएको छ। कक्षा चार देखि कक्षा १० सम्मका अनिवार्य चार विषयहरु नगरपालिकाका चारवटा रेडियो बाट प्रसारण हुदैँ आएका छन भने अनिवार्य गणित विषयको शिक्षण टेलिभिजनबाट संचालन भईरहेको छ ।
कोरोनाले शिक्षा क्षेत्रमा ठूलो असर पुगेको अवस्थामा वाणगंगा नगरपालिकाले पठनपाठन सुचारु राख्न वैकल्पिक माध्यमबाट पढाउँदै आएको हो । रेडियोको माध्यमबाट सिकाइएको पठनपाठन राम्रै प्रभावकारिता देखिएको नगरपालिकाको शिक्षा शाखाले जनाएको छ । रेडियो कक्षा हरेक दिन बिहान ११ बजे देखि दिउस साढे २ बजे सम्म संचालन हुँदै आएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट दाङमा भेन्टिलेटर र आईसीयू बेड प्रयोगविहीन, बिरामी बुटवल रिफर
अगिल्लो पोस्ट अरिङ्गालको टोकाईबाट प्युठानमा एक बालकको मृत्यु