प्लाज्मा थेरापीबाट कोरोनाको उपचार ,वि पी मा पनि सुरु

सेयर गर्नुहोस्
86Shares

ई–साझाकुरा, भदौ २

वि पी कोइराला स्वास्थ्य विज्ञान प्रतिष्ठान, धरानले कोरोना संक्रमितहरुको प्लाज्मा थेरापीबाट उपचार सुरू गरेको छ।प्रतिष्ठानमा उपचारत एक कोरोना संक्रमितको प्लाज्मा थेरापी प्रकृयाबाट उपचार सुरु गरिएको प्रतिष्ठानले जनाएको छ ।

प्लाज्मा थेरापीको लागि मोरङ सुन्दरहरैचाका कोरोना निको भएका एक युवकले रक्तदान गरेपछि प्लाज्मा थेरापी सुरू गरिएको प्रतिष्ठानको मेडिसिन विभाग प्रमुख प्रा. डा संजिव शर्माले जानकारी दिए। रक्तदान गर्ने युवामा जेठको तेस्रो सातमा कोरोना देखिएपछि उनले गोठगाँउ स्थित पुर्वाञ्चल विश्वविद्यालयको कोभिड अस्पतालमा उपचार भएको थियो।

सोमबार सामाजिक संजालमा कोरोना सन्चो भएका बी पोजेटिभ ग्रुपका ब्यक्तिलाइ रक्तदान गर्न आव्हान गरिएको सूचना देखेपछि ती युवा नेपाल रेडक्रस सुनसरी मार्फत धरान पुगेका थिए।

प्लाज्मा थेरापीमा, कोरोना निको भएका विरामीको प्लाज्माबाट एन्टीबडी कोषलाई झिकेर संक्रमितको शरिरमा राखिन्छ। यसरी एन्टीबडी शरिरमा राख्दा शरिरले कोराना भाइरसलाई मार्ने भएकोले संक्रमितको शरिरमा एन्टीबडी राखेर उपचार गरिन्छ।

नेपालमा केहीदिन पहिले मात्र शिक्षण अस्पताल महाराजगँजमा यो विधिबाट उपचार सुरू भएको थियो। विराट अस्पतालका डाक्टर ज्ञानेन्द्रमान कार्कीको सफल उपचार पछि सरकारले देशका १२ स्थानमा प्लाज्मा थेरापीबाट उपचार गर्न अनुमति दिएको छ।

प्लाज्मा थेरापी विधिबाट गम्भिर अवस्थामा पुगेका कोराना संक्रमितहरुको शरिरमा पनि एन्टीबडी तयार भइ त्यसले विरामीको रोगसँग लडने प्रतिरोधी क्षमता बढाउने भएकोले कोरोना निको भएका व्यक्तिहरूको रगत उपयोगी हुने प्रतिष्ठानका मेडिसिन बिभाग प्रमुख डाक्टर शर्माले बताए।

प्लाज्मा थेरापीको लागि सरकारले गठन गरेको केन्द्रीय समितिका सदस्य समेत रहेका डाक्टर शर्माले कोरोना सन्चो भएका व्यक्तिलाई रक्तदान गर्न समेत आग्रह गरेका छन।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट बुटवलको आइसीयूमा दिनदिनै थपिन्छन् संक्रमित, एकहप्तामै हुनसक्छ आइसीयू बेडको अभाव
अगिल्लो पोस्ट उद्धार उडान अनिश्चितकालका लागि स्थगित