मृतक महिलाकी छोरीलाई पनि देखियो कोरोना

सेयर गर्नुहोस्
14Shares

२०७७ भदौ २ गते

सोमबार राति मृत्यु भएपछि मंगलबार बिहान कोरोना पुष्टि भएकी तनहुँकी महिलाकी छोरीलाई पनि संक्रमण भएको पुष्टि भएको छ । रोगले च्यापेपछि आमालाई लिएर पोखरा आएकी छोरीमा पनि संक्रमण देखिएको हो ।

ब्यास नगरपालिका वडा नम्बर १ की ५० वर्षीया महिलाको २५ वर्षीया छोरीलाई पनि संक्रमण पुष्टि भएको कास्कीका जनस्वास्थ्य प्रमुख बाबुराम आचार्यले जानकारी दिए ।

मंगलबार प्रदेश स्वास्थ्य निर्देशनालयले ठेगाना नखुलेको ५० र २५ वर्षीया महिलामा कोरोना संक्रमण भएको बताएको थियो । तिनैमध्येकी मृत्यु भएकी ५० वर्षीया आमा र २५ वर्षीया छोरीचाहिँ सक्रमित रहेको जिल्ला स्वास्थ्य कार्यालय कास्कीले पुष्टि गरेको छ ।

बिरामी भएर पोखरा आएका उनीहरु हस्पिटल चोकस्थित कास्की सेवा हस्पिटलमा पुगेका थिए । उनीहरु दुवै जनाको पोखरामै स्वाब नमुना लिएर परीक्षण गरिएको थियो ।

मंगलबार बिहान आमा–छोरीलाई नै कोरोना संक्रमण पुष्टि भएको छ, जनस्वास्थ्य प्रमुख आचार्यले भने । अहिले उनीहरुको कन्ट्याक ट्रेसिङको तयारी भइरहेको तनहुँको ब्यास नगरपालिकाले जनाएको छ ।

मृत्यु भएकी महिलामा पहिलेदेखि नै सुगर, पे्रसर, मुटुको समस्या र निमोनियाको समस्या रहेको व्यास १ का वडाध्यक्ष खरसिंह दरैले जानकारी दिए । अस्पताल ल्याइपुर्याउँदा स्वास्थ्य निकै कमजोर भइसकेको थियो ।

मृतकको शव व्यवस्थापनको तयारी गर्न जिल्ला प्रशासन कार्यालय कास्कीमा बैठक बसिरहेको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट निषेधाज्ञा उल्लंघन गर्दै चितवनका बैंकहरु, प्रशासन मौन
अगिल्लो पोस्ट कपिलवस्तुमा २० जना कोरोना संक्रमित थपिए