नोबेल अस्पतालको तयारी, सरकारले तोकेको भन्दा आधा शुल्कमै कोरोना परीक्षण

सेयर गर्नुहोस्
5Shares

ई–साझाकुरा, भदौ १

विराटनगरस्थित नोबेल शिक्षण अस्पतालले २ हजार ६ सय रुपैयाँमै कोरोना भाइरसको परीक्षण गर्ने तयारी गरेको छ। यो शुल्क सरकारले तोकेको भन्दा आधा कम हो।

सरकारले सशुल्क कोरोना परीक्षणको लागि ५ हजार ५ सय रुपैयाँ तोकेको छ। अस्पतालका निर्देशक डा. राजेश नेपालले आउने साताबाट परीक्षण सुरु गर्ने जनाएका छन्।

उनले मोडिफाइड पिसिआर मेसिनबाट परीक्षण सुरु गर्न लागिएको बताए।

‘यो प्रविधिको मेसिन नेपालमै पहिलो पल्ट प्रयोग गर्न लागिएको हो। यसलाई मोडिफाइड पिसिआर मेसिन भनिएको छ,’ उनले भने, ‘हामी पहिले यसको विश्वसनीयता कति छ भनेर ट्रायल गर्छौं र सोचेअनुसार नतिजा आउने साताबाटै परीक्षण गर्छौं।’

उनले मेसिनमा आउने नतिजाको गुणस्तर शंकास्पद आए मेसिन प्रयोगमा नल्याइने जनाए। यसमा पिसिआर मेसिनको प्रयोग भए पनि यो पिसिआर परीक्षण भने होइन।

यो परीक्षणलाई एन्टिजेन टेस्ट भनिएको छ। यद्यपी यसमा पनि स्वाबबाटै परीक्षण गरिने निर्देशक नेपालले जनाए। यो मेसिनबाट कोरोना परीक्षण गर्दा आइएनए छुट्याउनु नपर्ने उनी बताउँछन्।

निर्देशक नेपाल भन्छन्, ‘अहिले पिसिआर परीक्षण गर्दा सबैभन्दा समय खर्च भएकै आरएनए छुट्याउनलाई हो। तर यसमा छुट्याउनु पर्दैन। स्वाब सिधैं हालेपछि संक्रमण छ/छैन भनेर एकीन गर्छ।’

उनले यो मेसिनले दुई देखि तीन घण्टामै नतिजा दिने दाबी गरेका छन्। सरकारले निजी प्रयोगशालाहरूलाई समेत सशुल्क कोरोना परीक्षणको अनुमति दिएपछि नोबेल अस्पताल पनि परीक्षणको लागि अघि सरेको हो।

निर्देशक नेपालले नोबेल अस्पतालका विरामीका लागि २ हजार र बाहिरका विरामीका लागि २ हजार ६ सय रुपैयाँ परीक्षण शुल्क तोकिएको जनाए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट कुलमानको कमाल : विद्युत् प्राधिकरण बन्यो सर्वाधिक नाफा कमाउने सार्वजनिक संस्थान
अगिल्लो पोस्ट लुम्बिनी प्रादेशिक अस्पतालले गर्भवतीमा कोरोना देखिएपछि लिएन भर्ना