नौवस्तामा नयाँ औद्योगिक क्षेत्र निर्माणमा देखिएको अवरोध हट्यो

file photo
सेयर गर्नुहोस्
222Shares

साउन ३२, नेपालगञ्ज / सुकुम्बासीहरुसँग सहमति भएसँगै बाँकेको नौवस्तामा नयाँ औद्योगिक क्षेत्र निर्माणमा देखिएको अवरोध हटेको छ। औद्योगिक क्षेत्र व्यवस्थापन लिमिटेड र सुकुम्बासीहरुबीच बैकल्पिक व्यवस्था नहुँदासम्म सुकुम्बासीहरुलाई हाल बसेकै स्थानमा बसोबास गर्न दिने र औद्योगिक क्षेत्रको खाली स्थानमा निर्माणका कामहरु सुरु गर्न सुकुम्बासीहरुले अवरोध नगर्ने लिखित सहमति भएको छ। औद्योगिक क्षेत्र निर्माण हुने क्षेत्रमा २०५४ सालदेखि ६१ घर परिवार सुकुम्बासी बसोबास गर्दै आएका थिए। उनीहरुले आफ्नो व्यवस्थापन नहुँदासम्म औद्योगिक क्षेत्र निर्माणको काम अगाडि बढाउन नदिने बताउँदै जबरजस्ती गरेर आन्दोलन गर्ने चेताबनी दिँदै आएका थिए। तर, बाँकेका सभासद, प्रमुख जिल्ला अधिकारी, गाउँपालिका जनप्रतिनिधिहरुको लामो प्रयासपछि लिमिटेड र सुकुम्बासीबीच सहमति जुटेको हो। बैकल्पिक व्यवस्था नहुँदासम्मका लागि सुकुम्बासीहरुलाई हाल बसेकै स्थानमा बस्न दिने र औद्योगिक क्षेत्रको खाली स्थानमा निर्माणका कामहरु सुरु गर्न सुकुम्बासीहरुले अवरोध नगर्ने लिखित सहमति भएको नेपालगञ्ज औद्योगिक क्षेत्र व्यवस्थापन कार्यालय नेपालगञ्जका प्रमुख कृष्ण पुनले बताए। औद्योगिक क्षेत्र निर्माण हुने स्थलमा पुगेका औद्योगिक क्षेत्र व्यवस्थापन लिमिटेडका अध्यक्षलाई भेटेर सुकुम्बासीहरुले आफ्नो व्यवस्थापन गरेर औद्योगिक क्षेत्र निर्माणको काम सुरु गर्ने सुकुम्बासी अगुवा नवीन उपाध्यायले बताए। प्रमुख जिल्ला अधिकारीको संयोजकत्वमा गठन हुने समितिले औद्यौगिक क्षेत्रको जग्गामा बसेका सुकुम्बासीहरुलाई कहा कसरी व्यवस्थापन गर्ने निर्णय गर्नेछ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट नवजात शिशुमा देखिने खतराका १२ लक्षण र स्याहार गर्ने १० तरिका
अगिल्लो पोस्ट वाणगंगा ७ मा चोरीका घटना बढे, मन्दिरको दान पेटिका नै चोरी