सिआइबीले पक्राउ गर्छ भन्दै रकम असुल्ने ‘पत्रकार’ पक्राउ

सेयर गर्नुहोस्
55Shares

ई–साझाकुरा, साउन ३०

काठमाडौंका एक व्यवसायीलाई ठगी गर्नेलाई केन्द्रीय अनुसन्धान ब्युरो (सीआइबी)ले पक्राउ गरेको छ। ब्युरोले बिहीबार काठमाडौं महानगरपालिका-३ बसुन्धराबाट ३६ वर्षीय शंकर प्रसाद अधिकारीलाई पक्राउ गरेको हो।

उनले प्रहरीलाई आफू आलोचना साप्ताहिक पत्रिकाका संवाददाता भएको बताएका छन्। उनी धादिङ घर भई ताराकेश्वर नगरपालिका- ११ नेपालटारमा डेरा गरी बस्दै आएका थिए। ब्युरोका अनुसार उनले काठमाडौंका एक व्यवसायीलाई अख्तियारमा मुद्दा परेको र पक्राउ गर्न सिआइबीमा पत्राचार भएको बताएका थिए।

साथै मुद्दा हेर्ने सिआइबीका इन्स्पेक्टरलाई पाँच लाख रुपैयाँ दिएमा मुद्दा रद्द बनाउने नत्र कुनै पनि समयमा प्रहरीले पक्राउ गर्छ भन्दै रकम असुली गरेका थिए।

उनले अरूलाई पनि ठगी गरेको हुन सक्ने भन्दै ठगिएको भए सम्पर्क गर्न प्रहरीले आग्रह गरेको छ। थप अनुसन्धान गर्न सिआइबीले महानगरीय प्रहरी वृत्त, महाराजगञ्ज पठाएको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट सीमाका मुख्य शहरमा किम जोङद्वारा लकडाउन घोषणा
अगिल्लो पोस्ट कपिलवस्तुमा थप २८ जनामा कोरोना पृष्टि