अभिनेता रणवीर र अभिनेत्री कोनकोनाले गरे डिभोर्स

सेयर गर्नुहोस्
1Shares

एजेन्सी, साउन ३०

बलिउड अभिनेता रणवीर सुरी र अभिनेत्री कोनकोना सेन शर्माले डिभोर्स गरेका छन्। टाइम्स अफ इन्डियाका अनुसार बिहीबार उनीहरूको औपचारिक रूपमा डिभोर्स भएको हो। उनीहरू पहिलेदेखि अलग बस्दै आएका पनि स्रोतलाई उद्धृत गर्दै हिन्दुस्तान टाइम्सले लेखेको छ।

‘उनीहरूको डिभोर्स एकदमै शान्त रूपमा भयो। उनीहरूले कुनै झैझगडा र तनाव देखाएनन्,’ स्रोतले भनेको छ। अभिनेत्री कोनकोनाकी प्रतिनिधि अम्रुता साठे पाठकले पनि उनीहरूको डिभोर्स भएको र शान्तिपूर्ण तरिकाले भएको बताएकी छन्।

‘उनीहरू दुवै सुल्झेका मान्छे हुन्। दुवैले एकअर्कासँग सम्बन्ध टिकाउन प्रयास पनि गरे। परामर्शका लागि पनि गए,’ अम्रुताका भनाइ उद्धृत गर्दै हिन्दुस्तान टाइम्सले लेखेको छ।

रणवीर र कोनकोनाको सन् २०१० मा बिहे भएको थियो। पाँच वर्षपछि सन् २०१५ मा उनीहरू छुट्टिएका थिए। तर उनीहरूले सन् २०२० फेब्रुअरीमा मात्र डिभोर्सका लागि आवेदन दिएका थिए।

उनीहरूका ८ वर्षका छोरा छन्।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट टिचिङमा थप ४ जना स्वास्थ्यकर्मीमा कोरोना संक्रमण
अगिल्लो पोस्ट सीमाका मुख्य शहरमा किम जोङद्वारा लकडाउन घोषणा