कपिलवस्तु उद्योग बाणिज्य संघले पनि अब कोरोना जाँच्ने

सेयर गर्नुहोस्
63Shares

ई–साझाकुरा, साउन २९

कोरोना संक्रमण नियन्त्रण गर्न सुरुदेखि नै जुर्मुराएर लागेको कपिलवस्तु उद्योग बाणिज्य संघले अब समुदायस्तरमा पनि पिसीआर जाँच गर्ने भएको छ । समुदायस्तरमा कोरोना संक्रमण बढेपछि थप संक्रमण नफैलियोस् भन्नको लागि पिसीआर जाँचतर्फ लागेको संघले जनाएको हो ।

नगरपालिकाले जनप्रतिनिधि, कर्मचारी, बैङ्क तथा वित्तिय संस्थाका प्रतिनिधि आदिको पिसीआर जाँच गरे पनि बिभिन्न ब्यापार ब्यवसाय संचालन गर्नेहरुमा कोरोना संक्रमण हुन सक्ने भन्दै उनीहरुको जाँच गरिने अध्यक्ष उमानाथ पौडेलले जानकारी दिनुभयो ।

अत्यधिक भीँडभाड हुने किराना, फलफूल, दुग्ध डेरी आदि क्षेत्रका व्यवसायीको प्रतिनिधिमूलक ढंगबाट पिसीआर जाँच गरिने पौडेलले सञ्चार कर्मिलाई जानकारी दिए । कम्तिमा पनि एक सय कीट माग गरेको बताउँदै संघले ७० बढीको पिसीआर जाँच गर्ने जनाएको छ । अबको एक हप्ताभित्र जाँच सुरु गरिने पौडेलले जानकारी दिए । कोरोना दोश्रो चरणमा देखिएपछि संघले हाल मास्क तथा सेनेटाइजर वितरणको काम गरिरहेको छ । बुधबार पनि संघको कार्य क्षेत्रभित्र पर्ने स्थानमा सचेतना स्वरुप मास्क वितरण गर्ने काम गरेको थियो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट अर्घाखाँचीमा पानीको मुल्य घट्यो
अगिल्लो पोस्ट निषेधाज्ञाका बेला पनि ग्रामिण क्षेत्रका बजार सामान्य जस्तै