कोरोना संक्रमित २ करोड ८ लाखभन्दा बढी

सेयर गर्नुहोस्
0Shares

काठमाडौं : विश्वभर कोरोना भाइरसबाट संक्रमित हुनेको संख्या २ करोड ८ लाख ६ हजार पुगेको छ । पछिल्लो २४ घण्टामा मात्रै २ लाख ८१ हजार भन्दा धेरै संक्रमित थपिएका छन् । यस्तै, मृत्यु हुनेको संख्या पनि ७ लाख ४७ हजार २५८ पुगेको छ । हालसम्म १ करोड ३७ लाख ६ हजार भन्दा धेरै उपचारपछि निको भएर घर फर्किएका छन् । अमेरिकामा कोरोना भाइरसबाट संक्रमित हुनेको संख्या ५३ लाख ६० हजार पुगेको छ । यहाँ हालसम्म १ लाख ६९ हजार १३१ जनाको मृत्यु भएको छ ।

ब्राजिलमा हालसम्म ३१ लाख ७१ हजार ७४७ जना संक्रमित हुँदा १ लाख ४ हजार २६३ जनाको ज्यान गएको छ । भारतमा हालसम्म २३ लाख ९५ हजार ४७१ संक्रमित हुँदा ४७ हजार १३८ जनाको निधन भएको छ । रुसमा ९ लाख २ हजार ७०१ संक्रमित हुँदा १५ हजार २६० जनाको मृत्यु भएको छ । दक्षिण अफ्रिकामा ५ लाख ६८ हजार ११९ जना संक्रमित हुँदा ११ हजार १० जनाको मृत्यु भएको छ । पेरुमा ४ लाख ९८ हजार ५५५ जना संक्रमित हुँदा २१ हजार ७१३ जनाको मृत्यु भएको छ । मेक्सिकोमा ४ लाख ९८ हजार ३८० जना संक्रमित हुँदा ५४ हजार ६६६ को मृत्यु भएको छ ।

स्पेनमा संक्रमितको संख्या ३ लाख ७६ हजार ८६४ पुगेको छ भने २८ हजार ५७९ जनाको मृत्यु भएको छ । यता, इरानमा ३ लाख ३३ हजार ६९९ जना संक्रमित हँदा १८ हजार ९८८ जनाको मृत्यु भएको छ । बेलायतमा हालसम्म ४१ हजार ३२९ जनाको ज्यान गएको छ भने ३ लाख १३ हजार ७९८ जना संक्रमित रहेका छन् । साउदी अरबमा २ लाख ९३ हजार ३७ हजार संक्रमित हुँदा ३ हजार २६९ जनाको मृत्यु भएको छ ।

पाकिस्तानमा २ लाख ८५ हजार ९२१ संक्रमित हुँदा ६ हजार १२९ जनाको ज्यान गएको छ । बंगलादेशमा हालसम्म २ लाख ६६ हजार ६९८ संक्रमित हुँदा ३ हजार ५१३ को मृत्यु भएको छ । इटालीमा संक्रमितको संख्या २ लाख ५१ हजार ७१३ पुग्दा ३५ हजार २२५ जनाको मृत्यु भएको छ । चीनमा पछिल्लो २४ घण्टामा १९ जना नयाँ संक्रमित थपिएका छन् ।

त्यहाँ हालसम्म ८४ हजार ७५६ जना संक्रमित हुँदा मृतकको संख्या ४ हजार ६३४ छ । जापानमा ५० हजार २१० जना संक्रमित हुँदा १ हजार ५९ जनाको ज्यान गएको छ । नेपालमा भने अहिलेसम्म २४ हजार ४३२ जना संक्रमति फेला पर्दा १६ हजार ७२८ जना उपचारपछि निको भएर घर फर्किएका छन् । ९१ जनाको भने मृत्यु भएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।