फेसबुकबाट इस्लामिक धर्मगुरूको अपमान गरेको भन्दै भारतको बेंगलुरूमा हिंसा, ३ जनाको मृत्यु

सेयर गर्नुहोस्
2Shares

तस्वीर : बीबीसी

एजेन्सी – सामाजिक सञ्जाल फेसबुकबाट इस्लामिक धर्मगुरु पैगम्बर मोहम्मदको अपमान गरिएको भन्दै भारतको बेंगलुरूमा हिंसा भड्किएको छ ।

फेसबुकमा आपत्तिजनक सामग्री प्रेषित गरेको आरोप लागेका एक व्यक्ति पुलिकेशिनगरस्थित कांग्रेस विधायक अखण्ड श्रीनिवास मूर्तिका आफन्त भएको भन्दै मुस्लिम समुदायका व्यक्तिहरूले उनको घरअघि पनि प्रदर्शन गरेका थिए ।

त्यहाँ उनीहरूले सवारीसाधनमा आगजनी गर्दै प्रहरीमाथि पनि ढुंगा प्रहार गरेपछि प्रहरीले मंगलबार राति गोली चलाउँदा तीन जनाको मृत्यु भएको बीबीसी हिन्दीले जनाएको छ ।

प्रहरीले आरोप लागेका ती व्यक्ति र ११० प्रदर्शनकारीलाई पक्राउ गरेको छ। प्रदर्शनकारीहरूले एउटा प्रहरी चौकीमा पनि आक्रमण गरेका छन् ।

मङ्गलवार राति भएको घटनामा ६० जनाभन्दा बढी सुरक्षाकर्मीहरू घाइते भएको बेंगलुरूका आयुक्त कमल पन्तले बताएका छन्। हिंसा भड्किएपछि त्यहाँ कर्फ्यू आदेश जारी गरिएको थियो।

कर्णाटक राज्यका गृहमन्त्रीले उक्त घटनामा मानवीय क्षति भएको पुष्ट गरेका छन्। स्थानीय सञ्चारमाध्यमका अनुसार फेसबुकबाट उक्त सामग्री मेटिएको छ।

 

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट टिकटकसँग किन डराइरहेको छ अमेरिका ?
अगिल्लो पोस्ट विश्वमै पहिलोपटक रूसमा तयार भएको कोरोनाविरूद्धको खोपको माग उच्च