पाइलट आफू मरे तर धेरैलाई बचाए

सेयर गर्नुहोस्
2Shares

भारतीय राज्य केरलाको कोजिकोडमा शुक्रबार अवतरणका क्रममा भएको विमान दुर्घटनामा बचेका यात्रीहरूले विमानका क्याप्टेनले बुद्धिमताढंगले सम्भावित आगलागी हुन नदिई आफूहरूको ज्यान बचाएको बताएका छन्।

 

घटनामा दुई पाइलटसहित कम्तिमा २० जनाको मृत्यु भएको थियो। विमानमा चालक दलका सदस्यसहित १९१ जना यात्रु थिए। घटनामा सय भन्दा बढी यात्रु घाइते भएका छन्।

एयर इन्डिया एक्सप्रेसको बोइङ-७३७ मा  कोरोना भाइरसका कारण दुबईमा अलपत्र परेका भारतीय नागरिक सवार थिए। घटना लगत्तै स्थानीय मानिसहरू आगो र धुवाँको वास्ता नगरी उनीहरूलाई सहयोग गर्न घटनास्थल पुगेका उनीहरूले बताए।

घटनामा ज्यान गुमाएका विमानका क्याप्टेन दीपक वसन्त साठे भारतीय वायुसेनाका पूर्व लडाकु विमान चालक हुन्।

‘घनघोर पानी परिरहेको थियो। पाइलटले अवतरण गर्नुअघि नै मौसम एकदमै खराब भएको चेतावनी दिएका थिए। उनले दुईपटक सुरक्षित अवतरणको प्रयास गरेपनि नियन्त्रण गुमाए। जहाज धावनमार्गबाट बाहिर गयो र चिप्लियो अनि दुई टुक्रा भयो। धेरैका लागि यो चमत्कारपूर्ण थियो’, विमान दुर्घटनामा बचेका भि इब्राहिम नामका एक यात्रीले भने।

घटना सन् २०१० पछिकै सबैभन्दा खराब यात्रुबहाक विमान दुर्घटना भएको हिन्दुस्तान टाइम्सले जनाएको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट पर्वतका १०१ संक्रमितमध्ये ३ जना आइसोलेसनमा
अगिल्लो पोस्ट एक वर्षमा दोस्रो बजारमा ११० अर्बको सेयर थपियो