पाटन अस्पतालमा थप दुई जना कोरोना संक्रमितको मृत्यु

सेयर गर्नुहोस्
1Shares

ई–साझाकुरा, साउन २३

पाटन अस्पतालमा उपचाररत  थप दुई जना कोरोना संक्रमितको मृत्यु भएको छ। अस्पतालका निर्देशक डाक्टर विष्णु शर्माका अनुसार ४१ वर्षीय महिला र ४५ वर्षीय पुरूषको शुक्रबार बिहान मृत्यु भएको हो।

सुनौली घर भएकी मृतक महिलालाई पाठेघरको क्यान्सर रहेको डा. शर्माले जानकारी दिए। उनको शुक्रबार बिहान ११ बजे मृत्यु भएको अस्पतालले जनाएको छ।

यस्तै सर्लाही घर भएका पुरूषको बिहान साढे नौं बजे मृत्यु भएको थियो। डा. शर्माका अनुसार उनलाई कुकुरले समेत टोकेको थियो। कोरोना पोजेटिभ देखिएपछि उनीहरूलाई आइसोलेसनमा राखेर उपचार भइराखेको थियो।

हीबार साँझ पनि अस्पतालमा वीरगन्जका ४५ वर्षीय संक्रमित पुरूषको उपचारको क्रममा मृत्यु भएको थियो। उनलाई स्टार अस्पतालबाट रिफर गरिएको थियो।

मृतक पुरुषमा मधुमेह र रक्तचापको समस्या रहेको बताए। स्टार अस्पतालमै हुँदा उनलाई कोरोना पोजेटिभ देखिएको थियो । योसँगै नेपालमा कोरोना संक्रमितको संख्या ७१ पुगेको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट गाउँपालिकाको २५ लाख रुपैंयाँ परिवारको खातामा सार्ने लेखापालसहित चार जना पक्राउ
अगिल्लो पोस्ट कक्षा ११ को वार्षिक परीक्षा तत्काललाई नलिन निर्देशन