कपिलवस्तुमा शुक्रबारदेखि मोटरसाईकल र स्कुटर पनि जोर बिजोर संचलन गर्नुपर्ने

सेयर गर्नुहोस्
135Shares

साउन २२ कपिलवस्तु कलिवस्तुमा शुक्रबार बिहान अर्थात साउन २३ गते बिहान ५ बजेदेखि मोटरसाईकल र स्कुटर पनि जोर बिजोर प्रणालीमा संचालन गर्नुपर्ने भएको छ । कोरोना संक्रमण समुदाय स्तरमै पुगेपछि जिल्ला प्रशासन कार्यालयले जिल्लामा कडाई गर्ने घोषणा गरेको छ । आज एक सुचना जारी गर्दै कोरोनाको जोखिम नियन्त्रणका लागि जिल्ला प्रशासन कार्यालय कपिलवस्तुले साउन २३ गते शुक्रबार बिहान ५ बजे देखि साउन ३२ गते राति १२ बजे सम्मका लागि निषेधाज्ञा स्वरुपको कडाई गर्ने जनाएको हो । अत्यावस्यक सेवा बाहेकका सराकारी कार्यालय, बैँक तथा वित्तीय संस्थाबाट प्रदान गरिने सेवा पूर्ण रुपमा बन्द गर्न जिल्ला प्रशासनले निर्देशन गरेको छ । त्यस्तै मालबाहक ढुवानीका साधन बाहेक जिल्ला भित्र संचालन हुने सार्वजनिक यातायातका सवारी साधनहरु पूर्ण रुपमा बन्द गर्न पनि निर्देशन गरिएको छ भने निजी सवारीका साधनहरु मोटरसाईकल र स्कुटर समेत जोर विजोर नम्बरका आधारमा संचालनको अनुमति दिइएको छ । जोर गते जोर नम्बर र बिजोर गते बिजोर नम्बर भएका निजी सवारी संचालनको अनुमति दिइएको जिल्ला प्रशासन कार्यालय कपिलवस्तुद्धारा जारी सूचनामा उल्लेख छ । प्रमुख जिल्ला अधिकारी दिर्घनारायण पौडेलद्धारा जारी सूचनामा कोभिड १९ को संक्रमणबाट कपिलवस्तु जिल्ला उच्च जोखिममा रहेको तथा जनसम्पर्क अधिक हुने सरकारी कार्यालय, बैँक तथा वित्तीय संस्थामा कार्यरत कर्मचारीहरुमा समेत संक्रमण देखिएको कारण कडाई गरिएको हो ।स्थानिय प्रशासन ऐन,२०२८ को दफा ६ को ३ र संक्रामक रोग ऐन, २०२० को दफा २ बमोजिम यस्तो निर्णय गरिएको जिल्ला प्रशासन कार्यालय कपिलवस्तुले जनाएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।