समुदायमै कोरोना पुगेपछि प्युठानमा गरियो लकडाउन

सेयर गर्नुहोस्
1Shares

श्रावण २२प्युठान । समुदायस्तरमा कोरोना संक्रमण देखिन थालेपछि प्युठानमा लकडाउन जारी गरिएको छ ।
पछिल्लो पटक प्रादेशिक जनस्वस्थ्य प्रयोगशाला भैरहवामा पीसीआर परीक्षण गर्दा क्वारेन्टाइनमा रहेका ४ जना र १ जना प्युठान नगरपालिका भित्र पर्ने समुदाय स्तरकी युवतीमा कोरोना देखिएपछि बाग्दुला बजार क्षेत्र ५ दिन सम्मका लागि लकडाउन गरिएको हो । नगरपालिका स्तरीय कोरोना संकट ब्यवस्थापन केन्द्रले आकस्मिक निर्णय गर्दै प्यूठान नगरपालिका वडा नं ७ र ८ नम्बरमा पर्ने बाग्दुला बजार क्षेत्रभित्रमा नगरपालिकाले वाग्दुला बजार क्षेत्रभित्र अत्यावश्यक सेवा बाहेक अन्य सबै प्रकारका सेवाहरु शिल गर्ने जनाएको छ । वडा नम्बर ७ मा पर्ने स्वर्गद्वारी बहुमुखी क्याम्पस पुण्यखोला देखी धाइरे, सारिवाङ(मरन्ठाना खरिबोट देखी गुरिगाउको बतासेडाडा क्षेत्रसम्म लकडाउन गरिने नगरपालिकाले जनाएको हो । ती महिला केही समय देखि अध्ययनको सिलसिलामा जिल्ला बाहिर रहेपनी लामो समयदेखि घरमै बसिरहेका थिईन । भारत लगायत तेस्रो मुलुक नगएको र क्वारेन्टाइनमा पनि नबसेकि उनमा कोरोना संक्रमण देखिएपछि समुदाय स्तरमा कोरोना फैलिएको आशंका गरिएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।