ओलीलाई प्रधानमन्त्री र पार्टी अध्यक्ष दुवैबाट हटाउन हुदैन : भट्ट

सेयर गर्नुहोस्
0Shares

साउन १५, काठमाडौं , उद्योग, वाणिज्य तथा आपूर्तिमन्त्री लेखराज भट्टले केपी शर्मा ओलीलाई प्रधानमन्त्री र पार्टी अध्यक्ष दुवै पदबाट हटाउन नहुने स्पष्ट पारेका छन्। ‘केपी ओली नै पाँच वर्षको प्रधानमन्त्री हो, पार्टीले सरकारलाई सहयोग गर्छु, उनले भने, ुपार्टी भनेको सबै हो। अहिले प्रधानमन्त्री ओलीको विकल्प म देख्दिनँ।’ बिहीबार रिपोर्टर्स क्लब नेपालले गरेको साक्षात्कारमा बोल्दै मन्त्री भट्टले ओली नेतृत्वको वर्तमान सरकारलाई पाँचै वर्ष निरन्तरता दिएर इतिहास रच्‍नुपर्ने बताए। उनले यसो गरेमा देशमा अस्थिरताको ‘ब्रेक(थ्रु’ हुने पनि उल्लेख गरेका छन्। उनले पार्टीभित्र अहिले देखिएको बहस, छलफल र वादविवाद अन्ततः सहमतिमै हल हुने पनि विश्‍वास दिलाए। सबैजना सहमतिमा आउने उनले दोहोर्‍याए। ुसबै एकै ठाउँमा आउनुहुन्छ र, सहमति हुन्छ। सहमतिको विकल्प छैन,’ उनले भने, ‘पार्टी एकता, संघर्ष र रुपतान्तरणबाटै चल्ने हो।’ नेकपा स्थायी कमिटी सदस्यसमेत रहेका मन्त्री भट्टले अध्यक्षद्वय केपी शर्मा ओली र पुष्पकमल दाहालबीच सहमति हुने बताए। उनले सहमतिको विकल्प नभएको जिकिर गरे। यद्यपि उनले केही प्रवृत्तिले पार्टीभित्र खेल्न खोजेको आरोप लगाए। ‘तर, हामी ती प्रवृत्तिलाई पराजित गरेरै अघि बढ्छौँ,’ उनले भने। वर्तमान सरकारले गरेका राम्रा काम र यसका उपलब्धि जनतासमक्ष लगिने पनि उनले बताए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट मोटरसाईकल चढ्दा लडेर एक जनाको मृत्यु
अगिल्लो पोस्ट कांग्रसको विवाद : पौडेल पक्ष सार्वजनिक रुपमै प्रतिवादमा