प्रहरी प्रधान कार्यालयका थप ९ प्रहरीमा कोरोना सङ्क्रमण पुष्टि, धमाधम अन्यकाे पनि परीक्षण गरिदै

सेयर गर्नुहोस्
0Shares
साउन १५, ई साझाकुरा

fप्रहरी प्रधान कार्यालय, नक्सालमा कार्यरत थप ९ जनामा प्रहरीमा कोरोना भाइरसको संक्रमण देखिएको छ। बिहीबार बिहान आएको परीक्षण रिपोर्टमा थप नौ जनालाई कोरोना संक्रमण पुष्टि भएको प्रहरी प्रधान कार्यालयले जनाएको छ।

संक्रमण देखिएका नौ जनालाई बलम्बुस्थित सशस्त्र प्रहरी अस्पताल भर्ना गरिएको छ । नेपाल प्रहरीका प्रवक्ता एसएसपी कुबेर कडायतका अनुसार नयाँ थपिएका संक्रमितहरू पनि यसअघि संक्रमण पुष्टि भएका संक्रमितहरूको कन्ट्याक्ट ट्रेसिङमा परेका हुन्।

अधिकांश संक्रमितहरू चालक, मेकानिक्स र मेसमा काम गर्ने छन् । प्रहरी मुख्यालयमै संक्रमणको जोखिम बढेपछि थप सतर्कता अपनाइएको छ । साथै, संक्रमितहरू बस्ने ब्यारेक र भान्सा नै सिल गरिएकोप्रवक्ता कडायतले जानकारी गराउनुभयो ।

मुख्यालयमा संक्रमण कसरी फैलियो भन्ने कुरा अझै यकिन भएको छैन। यद्यपी सुरूमा दुई चार जना सुरक्षाकर्मीमा ज्वरो देखिएपछि परीक्षण गर्दा संक्रमण पुष्टि भएको थियो।

यसअघि प्रहरी प्रधान कार्यालयका ३५ जनामा कोरोना देखिएको थियो।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट नारायणगढ–मुग्लिन सडकखण्ड प्रयोग गरेबापत दस्तुर तिर्नुपर्ने
अगिल्लो पोस्ट जनप्रतिनिधिको सेवा सुविधाको २० लाख विकास निर्माणमा खर्च गर्दै नमोबुद्ध नगरपालिकाका