‘द सूटेबल बोय’ मा आफूभन्दा २५ वर्ष कान्छा इशानलाई चुम्बन गरेको दृश्यका कारण चर्चामा छिन् तब्बू

सेयर गर्नुहोस्
2Shares
साउन १५ २०७७, एजेन्सी
facebook sharing button
मीरा नायरको वेब सिरिज ‘द सूटेबल बोय’ को पहिलो एपिसोड बीबीसीमा रिलिज भएपछि तब्बू र ईशान खट्टरको चुम्बनको दृश्य चर्चामा आएको छ । तब्बू यो सिरिजमा एक नृत्याङ्गना सईदा बाईको भूमिका निभाइरहेकी छिन् । ईशान खट्टर र उनीबीच उत्कृष्ट केमेस्ट्री देखिएको छ । ४९ वर्षकी उमेरमा तब्बूले यस्तो भूमिका किन स्विकारिन् जसले उनले आफूभन्दा लगभग २५ वर्ष कान्छा युवकसँग चुम्बन गर्नुपर्छ ?
sharethis sharing button

तब्बू यस्ती अभिनेत्री हुन् जसका लागि भूमिका सधैं महत्वपूर्ण हुन्छ । मिरा नायरसँग उनी ‘द नेमसेक’ फिल्ममा काम गरिसकेकी छिन् ।

मिराले जब तब्बूलाई यो भूमिका प्रस्ताव गरिन् तब उनले अस्विकार गर्न सकिनन् । ट्रेलर र पहलो एपिसोड रिलिज भएपछि यति ठूलो सिरिजमा सबैले उनको चुम्बनको दृश्यलाई महत्व दिएकोमा तब्बू अचम्मित छिन् । तब्बूलाई राम्रोसँग थाहा थियो कि उनको भूमिका उत्तेजक छ र ईशानसँग उनको लभ मेकिङ सिन्स पनि छ तर उनले सोचेकी थिइनन् कि यो सिन सिरिजको लाइलाइट बन्नेछन् ।

लगभग १७ वर्षअघि एक हरर फिल्म ‘हवा’ को रिलिजपछि पनि तब्बूको स्थिती यस्तै थियो । हवा फिल्ममा तब्बूले नायिकाको भूमिका निभाएकी थिइन् । फिल्ममा एक प्रेत–आत्माले तब्बू प्रेम गर्छ र तब्बूसँग हरेक राती बेडमा प्रेम गर्न पुग्छ । भूतसँग प्रेम प्रसंगलाई फिल्ममा यसरी छायांकन गरिएको छ कि यो हरर फिल्म नभई बी ग्रेड फिल्म बनेको थियो । यो फिल्म रिलिज भएपछि तब्बू मिडियाबाट बच्नका लागि तीन महिनासम्म गायब भइन् । तब्बूले त्यसपछि यस्तो प्रकारको भूमिका नगर्ने प्रण गरेकी थिइन् ।

मिरा नायरका अनुसार तब्बूको साटो अन्य नायिका भएको भए यो भूमिका खासै राम्रो हुने थिएन । उनले भनिन्, ‘तब्बूकै कारण रोल जीवन्त भयो । भूमिका चाहे जस्तो सुकै होस् उनले यसलाई सस्तो बनाउँदिनन् ।’

तब्बू यो विषयमा चुप छिन् । यद्यपि, यो सिरिजलाई उनको कामलाई अत्यधिक रुचाइएको छ तर उनी ईशानसँगको आफ्नो बोल्ड दृश्यबारे कमेन्ट गर्न बचिरहेकी छिन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट महाकालीमा पानीको बहाव बढ्यो
अगिल्लो पोस्ट भाटभटेनी सुपरमार्केटको सामान बोकेको कन्टेनर त्रिशूलीमा खस्यो