कपिलवस्तुको वाणगंगा नगरपालिका-९, कपीलधामस्थित कोइली खोलामा वर्षेनी वर्षायाममा आउने बाढीले पुल डुबाउदा स्थानीय समस्यामा परेका छन् ।
बर्षापछि आउने बाढीका कारण खोलामा आएको बनेको पुल पूर्ण रुपमा डुबाउने गरेको छ । पुल डुबाएपछि स्थानीयलाई आवतजावत गर्न समस्या परेको गुनासो स्थानीयले गरेका छन् ।
वर्षातको समयमा आवत जावत गर्न गाह्रो भएको र बाढी आएको समयमा जोखिम मोलेर खोला तर्नुपर्ने गुनासो स्थानीयले गरेका छन् । आम जनताको सरोकारको यो विषयमा स्थानीय सरकार मौन बसेकोमा स्थानीयले गाउँ गाउँमा सिंहदरबार एकादेश को कथा जस्तो भएको बताए ।
सो पुलले बाणगंगा नगरपालिकाको वडा नम्बर ७ र ९ का गाउलाई जोड्छ । दैनिक किनमेल र सामान्य उपचारका लागि समेत सो नदी पार गरेर यात्रा गर्नुपर्ने भएकाले स्थानीयहरु बर्षाको समयमा सधै जोखिम मोलेर यात्रा गर्ने गरेको देखिएको छ , यहि पुलबाट दैनिक हजारौँ यात्रुले जोखिम पुर्ण यात्रा गर्न बाध्य भएका छन् ।
साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, Twitter र YouTube मा पनि जोडिन सक्नुहुन्छ ।
